Sra. Maria a keda hopi contento y a confirma cu sigur Lotto, e Loteria di Aruba ta cambia su bida, como cu e lo uza su premio pa paga su hypotheek. Un cas propio ta e soño di tur persona y ora bo por pag'e mas rapido cu bo a planea, esaki ta kisas un di e regalonan mas bunita cu bo por duna bo mes.

Cu suerte na su banda, Maria V. a bisa cu otro biaha e cumpra Mini Mega, sigur e lo scoge e opcion di Mega Plus. Ta apenas poco dia prome a lansa Mega Plus, cual ta añadi 100 mil florin riba e prome premio pa solamente Afl. 2 mas.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.