Ramiro V., kende semper ta cumpra un variedad di combinacion di number vast ora ta trata Mini Mega tambe ta un di e clientenan fiel di Lotto cu a pasa na Zeerover 2 pa ta sigur cu e ta den e wega. E suerte di Lotto, e loteria di Aruba a bati na porta di Ramiro e biaha aki, anto cu e premio maximo di Mini Mega.

Cu e combinacion di numbernan 13-16-23-30, cual ta fecha di nacemento y edad di su subrina, el a scoge pa Mega Ball e number "7" pa e luna di juli y asina a bira e unico ganado di 750 mil florin. Lotto cu hopi placer a entrega e check gordo aki na Ramiro y miembronan di su famia. Sigur esaki lo cambia bida di Ramiro y tambe di henter su famia.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.