Durante un recepcion carnavalesco special pa e ocasion aki a conta cu presencia di Minister di Finansa Mike de Meza y Minister di Deporte Richard Visser y un cantidad grandi di invitado. Hunto a celebra e hecho cu San Nicolas y pariba di brug awor tin miho acceso directo na Lotto, e loteria di Aruba.

 

Director di Lotto, Ronald van den Berg, como tambe Minister De Meza a hiba palabra, como introduccion y felicitando pueblo di San Nicolas y pariba di brug en general cu e facilidad nobo aki. Siguientemente, Minister De Meza y Minister Visser a habri e porta y drenta e oficina, asina efectuando e apertura oficial.

 

E edificio paden y pafo ta resalta pa su colornan bibo y alegre cu ta identifica Lotto y su diferente weganan. E concepto moderno y comodo di Lotto su oficina ta refleha den su diseño, unda a instala un screen cu ta pasa e propagandanan di Lotto y tin dos tablet disponibel pa uzo di cliente unda cu clientenan por wak e resultadonan di e sorteonan di tur wega.

 

Lotto a su oficina ta comodo unda cu e cliente kende ta bin cumpra su Lotto of cobra su premio y pa rebendedonan kende ta bin cancela nan cuenta por warda nan turno en bes di para den rij.

 

Lotto, e loteria di Aruba tin ocho diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, como tambe e wega promocional Tic Tac Toe, cual a wordo extendi pa dos luna mas. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio 

{gallery}joomgallery/originals/lotto_san_nicolas_19{/gallery}