fbpx

Good Causes

JAN2016 Aruba ChessORANJESTAD, Aruba - 21 di Januari, 2016: E aña aki un bes mas e fecha natal di libertador Betico Croes lo wordo celebra en grande cu varios actividadnan deportivo rond di nos isla. Prome y riba dia di e fecha natal esta dialuna 25 di januari, Dia di Betico algun federacionnan deportivo lo organisa nan acostumbrado torneo recordando e fecha natal di Betico Croes den felis memoria.

JAN 2016 Oca1 5Oranjestad, Aruba - 20 di januari, 2016: Diabierna ultimo, e organisacion cabillista Arubano, OCA a organisa nan prome competencia di jinete y amazona esaki como e preparacion pa loke ta e mundial di jiniete y amazona 2016 den luna di juli na Puerto Rico. Aki tambe a celebra e competencia relaciona cu Dia di Betico. Mester bisa cu e competencia tabata tin un bon acohida unda varios jinete y amazona a participa. E juez pa e competencia aki tawata e Sr. Miguel Poleo.

JAN 2016 Bowling 1ORANJESTAD, Aruba - 5 di januari, 2016: Un bes mas e deporte di bowling di Aruba a sa na saca cara di nos dushi isla den exterior. Recientemente un delegacion hubenil di bowling den e categorianan U-15 y U-20 a biaha pa San Juan, Puerto Rico unda nan a competi den e torneo Caribeño Paradise Kids Jose Luis Carde 2015. Mester cu e bolicheronan hubenil a sa na destaca den bon forma durante di e torneo unda nos hobennan a sa na conkista un segundo luga overall den U-15 y U-20.

JAN2016 Triatlon 2ORANJESTAD, Aruba - 19 di januari, 2016: Diadomingo ultimo 17 di januari, Aruba Triathlon Association a organisa nan prome actividad pa loke ta e calendario deportivo di aña 2016. Despues di a clausura e anja cu un tremendo Off Road Duathlon, e anja 2016 a habri cu un Warm up Sprint Triathlon pa tur e fiel amantenan di e deporte di traitlon. E actividad di Warm-up Sprint Triathlon a inicia pa 7or di mainta na Boca Catalina unda cu un cantidad grandi di competidornan den tur edad y categoria a bini y engrandese e prome actividad di anja 2016.

Copa Aruba DEC20158ORANJESTAD, Aruba - 17 di december, 2015: Recientemente e federacion di tennis di mesa a clausura e aña deportivo 2015 cu e tradicional Copa Aruba. Mester bisa cu e weganan tur tabata riba super bon nivel, e hungadonan a haci nan maximo esfuerso pa brinda otro un tremendo bataya. Mas cu claro mester tin un ganado, pero esnan cu a cay venci lo sa di recupera bek y traha mas duro pa e aña siguiente. Notable ta cu e weganan en e categoria femenino ta bek, cual sigur ta engrandece e deporte cerca nos hende muhenan.

PingPongChampionshipOCTORANJESTAD, Aruba - 19 di januari, 2016: Awe, 19 di januari, Aruba Table Tennis Association ta organisa e Copa Betico Croes 2016 den Centro Deportivo Betico Croes. Pa 8or di anochi e torneo ta inicia cu tur e mesanan yen di atletanan di Masters 40+. Pa su siguiente siman esta 26 di januari, lo wordo hunga den e categorianan di infantil y hubenil esta U10, U14, U18 esaki pa 5or di atardi, mientras pa 7or di anochi lo sigui cu e categoria di B-klas y Open. E entrega di premio lo sigui despues di e final di e torneo. Den su tempo, sr. Betico Croes den felis memoria a practica e deporte di tennis di mesa, hasta den su temporada como studiante na Hulanda. Un bes bek na Aruba, Betico Croes a continua cu e deporte di tennis di mesa na Club Estrella.

Volleyball DEC2015 1ORANJESTAD, Aruba - 11 di december, 2015: E final di campeonato den e deporte di volleyball organisa pa Aruba Volleyball Association a yega su fin. Un campeonato cu participación di varios equipo den tres categoría y dedica na e dos gran hungadonan di volleyball y beach volleyball, Eargenell de Cuba y Mitchel Daniel.

DMC Firewall is developed by Dean Marshall Consultancy Ltd