Good Causes

Oranjestad, Aruba, 19 di februari 2016. Den e ultimo cinco añanan, e deporte di combate Mixed Martial Arts a crece y bira un di e deportenan mas famoso na mundo. Aruba sigur no a keda atras mirando cu hopi hoben a cuminsa practica e deporte mientras cada evento di MMA tabata tin su acohida grandisimo colma di fanaticada. Es mas varios di Aruba su atletanan di MMA manera Evan Nedd, Aldrick Croes y Gregory Milliard a cuminsa representa nos isla den exterior esaki den eventonan renombra principalmente na Merca cu ta wordo hasta televisa pa mundo henter por mira. Actualmente e atleta di combate Gregory Milliard kende ta e campeon di Aruba y Caribe a biaha pa Detroit, Michingan unda e lo competi den un anochi di MMA. E atleta Milliard kende tin un record di 28 pelea gana y 6 pelea perdi di cual 26 pelea gana pa knockout lo mester enfrenta un otro campeon di MMA esta Shamier Garcia.

Tennis JAN2016 1ORANJESTAD, Aruba - 28 di januari, 2015: En conexion cu e celebracion riba Dia di Betico, e organisacion di futbol infantil, LIFIDA a organisa un torneo di futbol den e Division LIFIDA B. E torneo a carga e nomber di “Torneo Copa Betico Croes”. E torneo a tuma dialuna 25 januari den Stadion di Yara na Savaneta, e cas di LIFIDA. E ekiponan participante na e torneo ta Britannia, Nacional/Washington, Brazil Jrs, RCS, RCA U-11 y La Fama.

Pesas JAN2016ORANJESTAD, Aruba - 27 di januari, 2016: E federacion di pesas, AAWA a organisa su prome torneo di anja 2016, Copa Betico Croes. Diadomingo ultimo y bou di un expectativa grandi e torneo a tuma luga den Centro Deportivo Frans Figaroa na Noord. Mirando e cantidad di participacion di e gymnan y organisacionnan di crossfit manera Muscle&Lungs Crossfit Aruba, Crossfit A297, Barbells in ParadiseCrossfit, CrossfitGradum y TNT Gym por bisa cu esaki tabata uno sumamente exitoso pa e organisadornan. Na banda di e participacion mester bisa cu e prestacion tabata uno sublime mirando cu varios participante a logra mehora nan record personal, algun hasta drecha esnan nacional, esaki sigur tabata un adelanto mirando e sacrificio cu cada un ta bin ta haci pa asina hiba e deporte di pesas na un otro nivel.

Lifida 1 JAN2016ORANJESTAD, Aruba - 27 di januari, 2015: En conexion cu e celebracion riba Dia di Betico, e organisacion di futbol infantil, LIFIDA a organisa un torneo di futbol den e Division LIFIDA B. E torneo a carga e nomber di “Torneo Copa Betico Croes”. E torneo a tuma dialuna 25 januari den Stadion di Yara na Savaneta, e cas di LIFIDA. E ekiponan participante na e torneo ta Britannia, Nacional/Washington, Brazil Jrs, RCS, RCA U-11 y La Fama. Mester bisa cu e seleccion U-13 tambe a forma parti di e torneo aki, esaki como preparacion pa e Torneo Internacional Aruba Himno y Bandera 18 maart. Na final tur club participante a ricibi un bunita trofeo como un certificado di participacion. E torneo lo inicia riba ambos dia pa 9or di mainta te cu 2 or di merdia.

Ajedrez 3 JAN2016ORANJESTAD, Aruba - 26 di januari, 2016: Durante cuater dia largo e federacion di ajedrez a tene nan prome torneo di anja celebrando e Copa Betico 2016. Un torneo cu a wordo hunga den tres categoria, esakinan den U-12, U-18 y Open. Mester bisa cu e participacion un bes mas tabata grandi unda un total di 46 atleta di ajedrez a inscribi pa e tremendo torneo aki. E weganan tur tabata riba un nivel halto caminda e hobennan a domina e prome torneo di anja 2016.

Tang Soo Do JAN2016ORANJESTAD, Aruba - 27 di januari, 2016: E prome torneo di aña 2016 organisa pa e federacion di Aruba Tang Soo Do lo ta diabierna awo 29 di januari cuminsando pa 6or di atardi na Emmaschool na Ayo. E competencia Gihae Tang Soo Do Challenge lo bay ta pa tur alumno di e scolnan di Gihae Tang Soo Do Studio I, II & III. E competencia lo bay ta Open Hand Forms & Weapon Forms, mientras lo tin un invitado special den persona di Master y Regional Director Master Wilfredo Burgos. Mirando cu ta e temporada di carnaval lo tin un jump in despues cu e competencia termina.

Esgrima 1 JAN2016ORANJESTAD, Aruba - 26 di januari, 2016: Diadomingo ultimo, e federacion di esgrima, SABA a tene su prome competencia dia aña celebrando Dia di Betico. E competencia a tuma luga den Cristo Rey School na Brazil. E deporte di fencing den e ultimo añanan a bira uno masha popular sigur bou di nos hobennan, unda un cantidad grandi ta practica e deporte Olimpico aki.

Our website is protected by DMC Firewall!