Good Causes
ORANJESTAD, Aruba – 16 di October 2014. Net un luna prome cu e inicio di e Weganan Centro Americano y del Caribe di Veracruz, Mexico algun atleta di Aruba ainda ta buscando nan clasificacion pa dicho weganan. Den e fin di siman, un otro atleta local, esta Quincy Breell di e deporte di atletismo a biaha pa Cartagena, Colombia unda e la competi den e asina yama "Gran Prix Internacional Cartagena 2014". Quincy ta un atleta specialista den e disciplina di salto largo.
ORANJESTAD, Aruba – 10 di October 2014. Lotto pa medio di Comision di Subsidio no solamente ta otorga subsidio ora nos atletanan biaha pa cualkier competencia internacional den exterior, pero tambe sostene eventonan deportivo internacional cu ta ser teni na Aruba mes.
ORANJESTAD, Aruba – 8 di Oktober 2014. Un bon iniciativa semper mester por contribui cun'e, sigur si e ta na bienestar di e formacion y desaroyo di nos muchanan. Awendia ta hopi importante conscientisa nos hobennan cu practica cualkier deporte ta importante pa e curpa humano, esaki pa e salud y pa ta un miho persona semper.
Read more: Lotto contento cu e contribucion duna na e Little League Baseball Trainings Camp 2014
ORANJESTAD, Aruba – 8 di October 2014. Durante di e vacacion escolar aki varios di nos atletanan local a biaha pa exterior unda nan a competi den diferente torneo y/of campeonatonan organisa den nos region. Aki no por keda sin gradici Lotto, e Loteria di Aruba cu pa medio di Comision di Subsidio ta subsidia e biahe di nos atletanan. Un di e delegacionnan cu sin duda a presta bon y gana mayoria di e premionan disponibel ta tennis di mesa kendenan a competi den e torneo internacional "Dutch Antilles Youth Tournament" na nos hermana isla di Corsou.
Read more: Lotto orguyoso di e logro impresionante di nos hoben atletanan di tennis di mesa
ORANJESTAD, Aruba – 4 di Oktober 2014. E temporada cu mas nos atletanan por realisa biahenan pa exterior ta ora di vacacion escolar. Un temporada cu Comision di Subsidio cu financiamento di Lotto, E Loteria di Aruba ta otorga numeroso ayudo financiero na nos atletanan y nan federacionnan. E dianan 3 pa 8 di october binidero, un delegacion di Aruba den e deporte di ajedrez lo ta saliendo pa e ciudad di Palmira, Colombia unda nan lo competi den e 'Festival Centro Americano y del Caribe (CAC) de la juventud'.
ORANJESTAD, Aruba – 8 di Oktober 2014. Un di e deportenan mas creciente na mundo ta esun di beach volleyball. Na banda cu hopi hende ta practica e deporte, esaki ta exigi un preparacion fisico di nivel halto. E no ta facil hunga den un santo pisa y move riba un intensidad na e manera desea. Pa esnan cu kier hunga esaki den forma competitivo e ta exigi hopi disciplina y sacrificio. Mester por dedica por lo menos cinco dia pa siman di entrenamento tanto den gym como riba e santo blanco.
ORANJESTAD, Aruba – 6 di Oktober 2014: Tanto diasabra como diadomingo nos ciclistanan a competi den e di 9 edicion di Junior Caribbean Cycling Championship 2014 cu a tuma luga e aña aki na e ciudad di Paramaribo, Surnam. Esaki un bes mas ta danki na Lotto, e loteria di Aruba kende ta kere fielmente den e prestacion di nos atletanan local.
