Good Causes
Oranjestad, 28 di October 20014: Diabierna ultimo e atleta di Tang Soo Do, Sherwin Wester a biaha pa Atlanta, Georgia esaki como preparacion pa cu e World Championship Tang Soo Do cu lo tuma luga otro aña na Las Vegas, Neveda.
ORANJESTAD, Aruba - 29 di october 2014: Dia 9 di November proximo, Aruba Bodyboard Association lo organisa un un tremendo competencia di bodyboard yama Shark Bay Big Air Challenge. E competencia ta priminti di bira unico den e diferente categorianan. Un danki sigur na Lotto, e Loteria di Aruba pa medio di Comision di Subsidio cu a subsidia e Shark Bay Big Air Challenge.
Read more: Aruba Bodyboard Association ta preparando pa e SharkBay Big Air Challenge
ORANJESTAD, Aruba – 22 di October 2014. Schaakvereniging Aruba ta celebrando su di 68 aña di existencia na den luna di november y ta pa e motibo aki a organisa e torneo internacional di ajedrez Aruba Chess Challenge 2014 cu a tuma luga e dianan 9 pa 12 di october ultimo. E evento a resulta den un exito rotundo unda mas cu 90 participante for di Corsou, Boneiro, Surnam, Alemania y Aruba mes a competi contra di otro den e cuater dianan di e torneo.
ORANJESTAD, Aruba - 3 di november 2014: Diadomingo merdia e atleta Eugene Dirksz hunto cu coach Aldrick Maduro a sali pa Mar de Plata, Argentina, unda cu e atleta Dirksz lo atende un campo di entrenamento organisa pa e federacion mundial di ciclismo UCI.
Read more: Atleta Eugene Dirksz lo atende un campo di entrenamento na Mar de Plata, Argentina
ORANJESTAD, Aruba – 22 di october 2014: Den e weekend binidero e hoben atleta di Tang Soo Do, Sherwin Wester lo ta biahando pa Atlanta, Georgia unda e lo asisti na un campeonato di fogeo di Blackbelts. E campeonato ta wordo organisa pa Global Tang Soo Do Asociacion bou encargo di e gran maestro Koreano, Tong Hwan Kim. E campeonato lo tuma luga e dia 25 na Atlanta, Georgia. E atleta Wester lo participa den e disciplina nan di "sparring/ combate y forms". Despues di e campeonato e lo biaha pa Connecticut caminda e lo entrena e dianan 26 y 27 cu e organisacion Mi Guk Kwan di e gran maestro Charles Ferraro. Aki Sherwin lo atende un clinica den "sparring, forms y weapon forms".
ORANJESTAD, Aruba - 30 di October 2014: tin nada mas bunita ora dos diferente deporte uni pa logra un solo meta, yuda e atleta progresa den loke e ta haci. Diadomingo ultimo, Aruba Amateur Weightlifting Association hunto cu Crossfit-Aruba a organisa e campeonato nacional hisamento di peso.
ORANJESTAD, Aruba – 16 di october 2014. Falta un luna mas pa e inicio di e Weganan Centro Americano y del Caribe na Veracruz, Mexico. Nos atletanan di Aruba ta den pleno preparacion pa cu e weganan aki unda e atletanan tur dia ta entrenando duro pa asina nan ta mas miho posibel prepara pa asina bataya entre e miho nan atletanan den e region aki. Un di e deportenan cu ta den pleno preparacion ta esun di Beach Volleyball. Actualmente e atletanan Eargenell de Cuba y Mitchel Daniel ta entrena dos bes pa dia duro ariba e aspectonan di fisica y condicion.
