Good Causes
Aruba lo ta bon representa den e Panamericano di biyar na Argentina
- Details
Oranjestad, Aruba – 16 di juli, 2015: E dianan 11 pa 20 di juli, un delegacion den e deporte di biyar lo sali pa Buenos Aires, Argentina unda e Panamericano di biyar 2015 lo tuma luga. Esaki lo bira e di 17 edicion di e Panamericano di biyar. Pa loke ta Aruba su representantenan nos tin cu bisa cu un total 4 atleta di taya lo competi pa e titulo maximo Panamericano kendenan ta Gunnar Leonardo, Campeon ABC 2015, Richard Wolff, Campeon Nacional 8 y 9 ball, Ditto Acosta Campeon Nacional 10 ball y Ryan Rampersaud.
Read more: Aruba lo ta bon representa den e Panamericano di biyar na Argentina
Aruba Table Tennis Association a tene nan competencia di ranking den luna di Juni
- Details
Oranjestad, Aruba - 15 di juli, 2015: Cada luna, e federacion di tennis di mesa, esta ATTA ta tene su competencia di ranking den tur categoria. E bataya semper ta fuerte mirando cu tur hungado ta bringa duro pa ta e number uno den nan respectivo categoria y claro pa ATTA esaki ta importante pa mira con cada hungado ta posiciona su mes tur luna, un muestra cu si di berdad tin progreso den cada un di nan. E categorianan den cual ta ser hunga ta U-13, U-18, B-klas y A-klas.
Read more: Aruba Table Tennis Association a tene nan competencia di ranking den luna di Juni
Seleccion di softbol femenino lo representa Aruba den e Junior Little League na Guaynabo, Puerto Rico.
- Details
Oranjestad, Aruba – 8 di juli, 2015: Durante luna di vakantie grandi diferente seleccion di baseball y/of softball ta sali pa exterior unda nan lo representa Aruba den un torneo internacional cu mas pais den nos region lo ta participa. E dianan 7 pa 13 di juli proximo, un seleccion femenino di softball 12 – 14 aña di Junior Little League softball lo sali pa e ciudad di Guaynabo, Puerto Rico unda nan lo participa den e torneo Latino Americano di Junior League.
Atletanan di judo division cadet a atende un campo di entrenamento na Republica Dominicana - Brandon Wong a logra medaya di brons
- Details
Oranjestad, Aruba - 6 di juli, 2015: Recientemente un delegacion di judo di cadet consisti di e atletanan Theron Farro, Yuri Coffie, Jean-Luc Harms y Brandon Wong hunto cu coach Fiderd Vis a sali pa Republica Dominicana unda nan a atende un campo di entrenamento, esaki como preparacion pa e competencia di US Open cu lo tuma luga den e di tres siman di juli. Na banda di e campo di entrenamento, e cuater atletanan di judo a haya e oportunidad unico di competi den un campeonato unda tabata tin varios bon judoka di Republica Dominicana participando.
Lotto cu felicitacion pa e prestacion di e delegacion di landamento den e campeonato di CCCAN na Barbados
- Details
Oranjestad, Aruba – 6 di juli, 2015: Recientemente un seleccion hubenil di landamento di Aruba tabata presente na e isla di Barbados unda nan a competi den e Central American and Caribbean Amateur Swimming Confederation, CCCAN. Mester bisa cu un bes mas e seleccion di Aruba a haci un tremendo papel unda nan a logra conkista un total di 22 medaya di cual 6 di Oro, 13 di Plata y 3 di Brons.
E seleccion di landamento sincronisa U12 & under a conkista varios medaya den e campeonato di CCCAN na Barbados
- Details
Oranjestad, Aruba - 3 di juli, 2015: Recientemente e seleccion di landamento sincronisa bou di 12 aña tabata na e isla di Barbados unda e campeonato di Central American and Caribbean Amateur Swimming Confederation, CCCAN a tuma luga. Mester bisa cu na e campeonato aki varios pais a participa manera Corsou, Jamaica, Republica Dominicana, Aruba y Barbados. Mester bisa cu pa e mayoria atletanan cu a forma parti di e seleccion di landamento sincronisa Aruba tabata nan prome competencia den exterior, pues un experencia completamente nobo a spera e seleccion bou di 12 aña. Na Barbados a competi den e rutinanan di duet, figures, solo y team.
Delegacion di tiro a logra varios medaya den e Copa del Caribe y Copa Olimpico teni na Salinas, Puerto Rico
- Details
Oranjestad, Aruba - 30 di juni, 2015: Recientemente un delegacion di tiro, seccion “Tiro Olimpico ISSF” a participa na e competencia Copa del Caribe y Copa Olimpico na Salinas, Puerto Rico. Team Aruba den e disciplina Olimpico “Air Pistol” a consisti di e atletanan Alvin Oduber, Phyll Marcano, Zuleny Oduber y Lisander Ignacio. Mester bisa cu e delegacion di tiro a logra un tremendo resultado unda a obtene varios medaya.
- Landamento sincronisa U12 & under lo competi den e campeonato di Central American and Caribbean Amateur Swimming Confederation na Barbados
- Cu ayudo di Lotto Torneo internacional di tennis, TITHA cla pa cuminsa na Aruba
- Flying Arubies representando Aruba dignamente den exterior - Buscando nan clasificacion pa Weganan Olimpico RIO 2016
- Torneo di tennis di mesa Teams Copa Aruba den gran forma
