E numbernan di e Lotto 5 tabata: 02 – 12 – 20 – 26 – 31 y e Joker 21 combina cu Letter L. Aldrick Lampe a cumpra su ticket na Felix Lottery situa na Hooiberg y pa su sorpresa, e no tabata sa mes cu el a gana e jackpot, te ora cu el a bay n’e luga despues di 1 siman y e bendedo a bis’e cu el a gana y nan no sa cuanto e premio ta, p’e bay oficina mes di Lotto. Pa Aldrick Lampe tabata un berdadero sorpresa ora el a yega na oficina di Lotto y a haya sa cu el a gana e bunita suma di Afl. 280.000,-. Sr. Lampe a keda hopi contento cu su premio, ya cu su fecha di casamento ta den porta y awo e hunto cu su futuro casa, por haci un fiesta mas grandi ainda cu tabatin planea y disfruta di un ‘honeymoon’ unico y inolvidabel.

Lotto, e loteria di Aruba, pa medio di su diferente productonan manera Lotto di Dia, Lotto 5, Mini Mega, Catochi, Big 4, Zodiac y awo tambe cu Wega di Number Kòrsou, ta recauda fondo y "Cambia Bida" di tanto su ganadonan y esunnan cu ta beneficia di e fondonan recauda pa nan deporte faborito. Apenas algun siman pasa Lotto, e loteria di Aruba a entrega un donacion di un miyon dollar na e comision di subsidio pa deporte. Asina periodicamente Lotto lo ta entregando donacionnan na e comision cu na su turno ta subsidia deporte na Aruba.Riba e potret por mira e cara feliz di Aldrick Lampe hunto cu Patrick Fortin, gerente di mercadeo di Lotto di Aruba, para na man drechi entregando e check, cu t’ey pa realmente cambia bida di e hungado cu suerte aki, pabien!