fbpx

E numbernan ganado tabata 08-13-14-16 MB 12 y ainda Lotto no a haya un hungado cu a cumpra e combinacion perfecto pa gana e premio miyonario di Mini Mega y Mega Plus, cual tabata 1.2 miyon florin diabierna dia 3 di januari. E Loteria di Aruba ta satisfecho pa anuncia cu e di dos premio si a wordo gana y cuater persona, esta Roberto B.A., Michiel D., Maria M. y Albertico K. cada uno a cobra un bunita suma.

 

Roberto B.A. semper ta hunga su numbernan vast, cu combinacion di e fechanan di nacemento di su mama y tata, su yiu y di su mes. E la cumpra 3 ticket di Mini Mega combina cu Mega Plus na Roos Lottery y a gana e di dos premio, cual ta Afl. 11.611.

 

Michiel D. ta den wega tur ora y vooral ora e Mini Mega ta halto. E la cumpra cinco Mini Mega combina cu Mega Plus Loco na Djispie's Place.

 

Albertico K. a cumpra seis Mini Mega Loco na diferente luga riba su ruta di trabao, cual ta e caminda di Hooiberg bin abao. E ticket cu el a cumpra na Felix Lottery a resulta di tin e numbernan ganado.

 

Maria M. tabata sinti malo y a pidi un otro persona pa sali cumpra su ticketnan p'e. E persona a cumpra e dos ticketnan na Lucky Bini Bini, cu dos combinacion di number similar. A resulta cu e combinacionnan aki, cual tabata 08-13-14-16 MB 08 y 08-12-13-16 MB 08, Maria M. a gana e di dos premio, como tambe e di tres premio! El a ricibi un check pa un total di Afl. 11.661.

 

Tur ganado a keda contento cu nan check y di biaha a tira nan linea un biaha mas na awa pa e siguiente sorteo di Mini Mega."Lotto ta sigui busca un ganado pa su premio miyonario di Mini Mega combina cu Mega Plus, unda cu pa un inversion di solamente Afl. 7 bo por bira e prome miyonario di 2014 na Aruba.

 

E acogida den nos comunidad pa cu e Mega Plus ta mas halto cu normal y e premio di Mini Mega combina cu Mega Plus cu a sigui crece a pone comunidad di Aruba henter pendiente pa e resultadonan di cada sorteo. Nos na Lotto ta hopi contento di por ofrece un premio miyonario pa nos comunidad y ta biba cada momento di emocion hunto cu nos hungadonan,"Damaris Ridderstap ta comenta.

 

Concluyendo, gerencia y personal di Lotto ta invita su hungadonan fiel y hungadonan nobo pa sigui cumpra nan weganan faborito na rebendedonan rond Aruba y asina contribui tambe na deporte y deportistanan di Aruba.

DMC Firewall is developed by Dean Marshall Consultancy Ltd