E jackpot di Mini Mega di diamars dia 24 di december a keda aden. E premio tabata 600 mil florin, y cu e Mega Plus e lo a bira 800 mil florin. Pero como cu tabata Noche Buena prome cu Pasco, Lotto a opta pa tira 200 mil florin extra riba e premio y a haci'e un miyon florin. Pero como cu ningun hungado a logra e combinacion ganado, e premio principal a bira 675 mil florin, Lotto ta pone 200 mil florin adicional riba e premio pa haci'e 875 mil florin. Si bo cumpra Mega Plus di 2 florin adicional, Bo lo tin chens di gana 225 mil florin acerca, haciendo cu e jackpot ta bira 1.1 miyon florin pa esunnan cu paga 5 florin pa nan Mini Mega y 2 florin pa nan Mega Plus.

Ta bon pa corda tur hende cu Maria M. a logra bira un feliz ganado di e Mini Mega miyonario di diabierna 10 di mei 2013. El a cumpra 2 ticket, di cual un a resulta di tin e numbernan ganado, cu cual el a gana 1.050.000,=. E numbernan cu e la hunga tabata fecha di nacemento di su yiunan y a cumpra su ticketnan na Rey Hing, situa na Pos Chikito. Diamars 29 di october 2013 atrobe Lotto di Aruba a haci un otro hungado un miyonario. Ta trata aki di Reginaldo "Nady" W. kende a gana 1.1 miyon florin cumprando su Lotto na Vegas Lottery den Lagoenweg.

Ta invita hungadonan pa cumpra bo ticket di Mini Mega trempan pa evita filanan largo na e rebendedonan. Separa di por ta suerte pa Bo, e ticket di Lotto aki por ta un bon regalo tambe pa haci na sernan keri, cu diripiente lo por habri aña 2014 como un berdadero miyonario!

Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.