Sra. Gladys y su casa tabata sumamente entusiasma cu e dia a yega cu suerte tabata di nan banda cu e Lotto di Dia cu nan a cumpra na Tuva's Lottery na Certified. E sonrisanan grandi riba nan caranan na momento cu nan a drenta oficina di Lotto pa cobra nan check no tabatin mester di palabra pa indica cu "aki tin un ganado felis".

Lotto ta haci un deseo hopi grandi di Sra. Gladys y su casa un realidad, pues e placa lo wordo bon inverti den drecha nan cas y traha e cura cu semper nan a anhela p'e.Masha pabien na Sra. Gladys y su casa, Lotto ta contento di por haci un biaha mas e deseonan di nan ganadonan un realidad. Disfruta hopi di boso bunita premio.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.