fbpx
Pa hunga Lotto di Dia ta masha facil, bo mester kies bo 5 numbernan cu ta consisti di 1 te cu 30 of bo ta pidi bo rebendedo preferi un loco y e ticket ta costa solamente Afl.2,-. Bo por combina bo numbernan cu dianan ser keri ta haci aña of numbernan cu tin un significacion special pa abo.
 
E ultimo “rolldown” pa Lotto di Dia a tuma luga na Juni, unda un feliz ganado di Lotto di Dia a bai cas cu e jackpot di Afl. 150.000 y cu a wordo bendi na Girasol na Madiki. Awe nochi pa 9’or na TeleAruba, Lotto, e loteria di Aruba lo cambia bida di un otro ganado. Gerente di mercadeo di Lotto, Patrick Fortin tambe kier a desea tur cumprado hopi suerte awe nochi den e sorteo di Lotto di Dia.
 
Lotto, e loteria di Aruba cu 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, y te cu dia 31 di December e wega mas dibertido, Tic-Tac-Toe ta corda un y tur pa sigui purba nan suerte cu cualkier di 8 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla. 
 
Lotto di Aruba ta existi desde aña 1982 caba y apenas algun luna atras ora cu a presenta nan imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, kende na su turno ta percura pa e fondonan ey yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento, inverti den deporte local. 
Our website is protected by DMC Firewall!