Hennedy Curiel a traha 27 aña largo como Polis na Isla Ariba y na Corsou y a baha cu un pensioen bon mereci. E ta na Aruba desde weekend pasobra e ta trahando riba su propio compania sumamente avansa di lock, di por ehempel yabinan moderno di auto te cu vaults di banco y hopi mas, cu e lo habri proximamente riba nos isla,. E premio aki awor sin duda lo yud’e enormemente den logra su meta. “Ta manera manda e placa a bin”, asina e ganado a bisa cu un satisfaccion riba su cara.

 

 

Diadomingo caba e ganado a bay bek Lucky Spot pa e verifica cu ta e mes a gana e premio. Ey el a dicidi di pospone su vuelo di regreso pa Corsou pa e por cobra su check dialuna mainta na Lotto. Y merdia e ganado a presenta bek na oficina di Lotto cu Pizza y refresco pa henter Lotto team, como un muestra di aprecio sincero pa a cambia su bida! 

 

Riba e foto adhunto por aprecia d.r.p.d. Hennedy Curiel, feliz ganado di e premio di 725 mil florin cu Lotto 5, Damaris Ridderstap coordinadora di departamento di mercadeo y Ronald van den Berg, director di Lotto, entregando e check grandi na e ganado.