Lotto ultimo simannan a bin ta partiendo sumanan grandi na premio entre su hungadonan. E loteria di Aruba a amplia su portfolio di weganan di number y hungadonan awo tin mas chens di gana. No solamente e oportunidad ta mas grandi pero e premionan tambe ta creciendo semanalmente.

Lotto 5 su jackpot a alcansa e bunita suma di Afl. 425.000,-. Ta recomenda tur hende pa cumpra nan Lotto 5 trempan, sea ta numbernan fiho of Lotto Loco y asina sigura cu nan tambe ta den wega.

Lotto, e loteria di Aruba cu 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, ta corda un y tur pa sigui purba nan suerte cu cualkier di 7 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla. 

Lotto di Aruba ta existi desde aña 1982 caba y apenas algun luna atras ora cu a presenta nan imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, kende na su turno ta percura pa e fondonan ey yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento, inverti den deporte local.