Raspa Gold Rush 100.000 20APR2018ORANJESTAD, Aruba – 21 di april, 2018: Gold Rush a parti un premio mayo di Afl. 100.000,-! Manera ta conoci Gold Rush tin algun tempo riba mercado y aunke a conoce hopi ganado di diferente sumanan, e 2 premionan mayo di 100 mil florin cada un te antayera no a conoce ganado. Lotto, e loteria di Aruba, ta contento di informa pueblo cu 1 di e premionan mayo di 100 mil florin a wordo gana door di Marc, cu a cumpra su ticket na Kira’s Lottery y ayera a pasa buska su premio na oficina principal di Lotto na Oranjestad.

 

Lotto ta desea di informa henter pueblo di Aruba cu e wega di Raspa Y Gana, Gold Rush, tin 1 premio di 100.000 florin mas pa wordo raspa y gana! Esaki ta e wega cu premio mas grandi cu Raspa Y Gana a yega di introduci den historia di Lotto na Aruba.

 

Gold Rush ta obtenibel cerca e gran mayoria di rebendedo di weganan di Lotto. Purba bo suerte y kisas abo por bira e di dos ganado cu ta raspa y gana 100.000 florin! Con pa hunga ta masha facil mes, djis iguala cualkier di BO NUMBERNAN cu cualkier NUMBERNAN GANADO y bo ta gana e premio. Tambe bo por Raspa y Gana cu e parti di BONUS; Si bo revela e simbolo di Afl. 50,- of Afl. 100,- of un Afl. 500,-, den e seccion di bonus, bo ta gana e suma menciona instantaneo.

 

Mescos Marc, abo tambe por cumpra, raspa y gana 100.000 florin instantaneo, cu Gold Rush!

 

Lotto, e loteria di Aruba tin diferente wega, Catochi, Big 4, 1-OFF, Zodiac, Wega di Number Korsou di Lotto, Lotto Di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

Our website is protected by DMC Firewall!