Clubnan participante manera The Orca’s, Stingray y Aruba Dolphinslo por competi den e siguiente categorianan: 6 aña, 7-8 aña , 9-10 aña, 11-12 aña, 13-14 aña, 15-17 aña y 18-25 aña y 26 aña y mas y masters. Tur landador por competi den un maximo di 3 evento y un relay. E relay ta 100 m freestyle mixed pues 2 mucha muhe y 2 mucha homber.

 

E deporte di landamento ta un di esnan mas exitoso den e ultimo decada di Aruba su deporte sigur mirando e resultadonan obteni internacionalmente. Den e region di Caribe Aruba ta wordo considera como un di e mihonan esaki danki na e exitonan di e ultimo añanan den e diferente competencianan manera CARIFTA, CONSENAT, CISC y CCCAN. Recientemente dos atleta di Aruba esta Allyson Ponson y Mikel Schreuders a caba di competi den e Weganan Olimpico di Rio 2016 como dos atleta clasifica.

 

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di Sprint Night Short Course organisa pa AZB.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

DMC Firewall is a Joomla Security extension!