A cuminsa cu e categoria beginners, U - 10 , U - 13 y U – 18, mientras den oranan di anochi a sigi cu e categorianan di A y B klas. Mester bisa cu tur wega ta importante mirando cu ta hunga a base di puntuacion cu a lo largo ta defini e ranking di tur luna. Aki cada hungado por mira riba cua posicion e ta y mas cu claro ta pa cada atleta importante pa sa si tin un progreso di nan propio wega hunga.

 

Pa loke ta e ranking di luna di augustus nos tin e siguiente resultadonan: Den e categoria U-10 nos tin na prome luga Shawn Kock mientras na di dos luga a keda Trevor van der Biezen. Den e categoria U-13, e prome luga a bay pa Bob Chung y di dos luga pa Mikayla Mathilda y di tres luga a bay pa Jeremy Ras. Den U-18, e prome luga a bay pa Jeandry Mathilda, e di dos luga a bay pa Ching Ho Chung y di tres luga pa Donald Yarzagaray. Den e categoria di B-klas, nos a haya na prome luga Alfred Leong, na di dos luga Wing Chow Leong y na di tres luga a keda James Letren. Por ultimo den A – klas, e prome luga a bay pa Mario Lobo, e di dos luga pa Andy Gomes y e di tres luga pa Bart Magnus. Mester bisa cu den e ultimo añanan e deporte di tennis di mesa a bin ta crece den un forma impresionante unda principalmente hopi mucha a cuminsa practica e deporte aki. Den e ultimo dos añanan, ATTA a atende varios campo di entrenamento cu nan hungadonan infantil y hubenil den Caribe. Tambe a sa na logra varios medaya den e diferente competencianan den nos region.

 

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di ranking di Aruba Table Tennis Association.


Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

AUG2016 Tafeltennis ranking 3AUG2016 Tafeltennis ranking 4

DMC Firewall is a Joomla Security extension!