Oranjestad, Aruba, 19 di februari 2016. Den e ultimo cinco añanan, e deporte di combate Mixed Martial Arts a crece y bira un di e deportenan mas famoso na mundo. Aruba sigur no a keda atras mirando cu hopi hoben a cuminsa practica e deporte mientras cada evento di MMA tabata tin su acohida grandisimo colma di fanaticada. Es mas varios di Aruba su atletanan di MMA manera Evan Nedd, Aldrick Croes y Gregory Milliard a cuminsa representa nos isla den exterior esaki den eventonan renombra principalmente na Merca cu ta wordo hasta televisa pa mundo henter por mira. Actualmente e atleta di combate Gregory Milliard kende ta e campeon di Aruba y Caribe a biaha pa Detroit, Michingan unda e lo competi den un anochi di MMA. E atleta Milliard kende tin un record di 28 pelea gana y 6 pelea perdi di cual 26 pelea gana pa knockout lo mester enfrenta un otro campeon di MMA esta Shamier Garcia.

E deporte di MMA ta uno cu hopi riesgo, e entrenamentonan ta intensivo, hasta extremo y mentalmente y fisicamente un atleta mester ta super bon prepara. Exito sigur na e atleta Gregory Milliard den su combate na Detroit Michingan, Merca.

Un danki sigur na Lotto, e Loteria di Aruba pa medio di Comision di Subsidio cu a yuda cubri un parti di e gastonan di e atleta di MMA, Gregory Milliard pa cu su compromiso internacional na Detroit, Merca.

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.