ORANJESTAD, Aruba - 17 di december, 2015: Recientemente e federacion di tennis di mesa a clausura e aña deportivo 2015 cu e tradicional Copa Aruba. Mester bisa cu e weganan tur tabata riba super bon nivel, e hungadonan a haci nan maximo esfuerso pa brinda otro un tremendo bataya. Mas cu claro mester tin un ganado, pero esnan cu a cay venci lo sa di recupera bek y traha mas duro pa e aña siguiente. Notable ta cu e weganan en e categoria femenino ta bek, cual sigur ta engrandece e deporte cerca nos hende muhenan.

Nos tin e resultadonan den e diferente categorianan. Den e categoria U-10 nos ta haya na prome luga Jermain Ras, dos luga pa Shawn Kock y na di tres luga Kyle Hughes. Den U-13 nos ta haya e prome luga pa Bob Chung, e di dos luga pa Jeremy Ras y e di tres luga a bay pa Justin Hughes. Den U-18 nos ti e prome luga a bay pa Jeandry Mathilda, e di dos luga pa Zhao Xie y na tres luga a keda Ching Ho Chung. Den e categoria B-klas nos a haya na di prome luga Alfred Leong, na di dos luga Ching Ho Chung y na di tres luga Donald Yarzagaray.

Den e categoria di Dama nos a haya na prome luga Charissa Croes, na di dos luga Mikayla Mathilda, na di tres luga Gillian Quandt y na di cuater luga Roos. Den e categoria di A-klas nos a haya na prome luga Mario Lobo, na di dos luga Andy Gomes, na di tres luga Rocky Ras y na di cuater luga Michel Ling. Den e categoria di Masters nos a haya na prome luga Alfred Leong, na di dos luga Franklin Lopes y na di tres luga Wing Chow Leong.

Por ultimo a hunga e teamnan unda nos ta haya den B-klas, e prome luga a bay pa Jon Tai Home Center, e di dos luga a bay pa Universal Spin y di tres luga a bay pa Blue Fire. Den A-klas, e prome luga a bay pa Butterfly, e di dos luga a bay pa Kawin Home Center y di tres luga a bay pa Hooters Dobbel. Aruba Tennis Association lo reanuda nan campeonato dia 4 di januari 2016.

Un danki sigur na Lotto, e Loteria di Aruba pa medio di Comision di Subsidio cu a subsidia e campeonatonan di Aruba Table Tenis Assocoation den henter e aña deportivo 2015.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.