fbpx

Synchro Beginners NOV2015ORANJESTAD, Aruba 17 november, 2015: Recientemente e unico club di landamento sincronisa na Aruba esta The Barracudas Aruba a organisa un dia di test pa logra diploma pa e grupo di atleta cu apenas a inicia cu e deporte di landamento sincronisa, cu ta e principiante conoci tambe como e “beginners”. Club di landamento sincronisa, Barracudas, tin varios aña di existencia y tin alrededor di 40 atleta activo.

 

Mester bisa cu e grupo di principiante tin apenas tres luna ta practica e deporte di landamento sincronisa y esaki tabata nan prome test cu tabata consisti di e rutina tecnico como tambe figura. Ambos aspecto ta bira di grado mas complica y dificil segun e atleta ta sigui den e deporte. Un total di 14 atleta a participa na e test pa diploma mientras cu nan tur a logra pasa e test cu exito. Na final di e test cada un a haya di diploma “Star 1”.

 

E deporte di landamento sincronisa ta un di esunnan cu mas exito a logra pa Aruba den e region di Caribe. Nos atletanan ta domina den nos region mientras cu nos ta riba e bon caminda den nos continente. E seleccion di landamento sincronisa ta presenta Aruba den varios weganan grandi manera Panamericano, CAC y Odesur. Na banda di esaki den duo di Kyra Hoevertsz y Anouk Eman, Aruba tin dos atleta elite kendenan ta combina nan estudio y deporte na Merca y na varios ocasion a representa Aruba dignamente logrando exitonan grandi.

 

Un danki sigur na Lotto, e Loteria di Aruba pa medio di Comision di Subsidio cu a subsidia e evento di landamento sincronisa pa nos principiantenan.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

DMC Firewall is developed by Dean Marshall Consultancy Ltd