fbpx

Como parti di e acuerdo di cooperacion entre Fundacion Lotto pa Deporte y Canadian Bank Note di Canada, anualmente mester haci un donacion substancial na e comision di subsidio di deporte. Den e areglo nobo aki, Fundacion Lotto pa Deporte lo no tene su mes ocupa mas cu patrocina ekiponan deportivo, ni material ni e stadionnan. Ta entrega un solo suma pa aña na e comision di subsidio di deporte cu na su turno ta parti e fondo entre tur e diferente organisacionnan deportivo cu ta cumpli cu reglanan pa por bin na remarke pa subsidio.

 

Durante e ceremonia pa anuncia e imagen nobo di Lotto di Aruba, Minister Ing. Mike de Meza a haci entrega di un check di Afls. 1.750.000,- na comision di subsidio, p’asina por sigui inverti den nos hobennan y deporte en general. 

Esaki tabata un sorpresa, ya cu no a conta cu e extra entrada aki den e mundo di deporte, cu dia pa dia ta creciendo den cantidad y calidad. Fundacion Lotto pa Deporte ta convenci cu e organisacionnan deportivo lo sa di haci bon uzo di e fondo aki, na bienestar y crecemento di deporte riba nos isla.

DMC Firewall is a Joomla Security extension!