fbpx

OCT2016 Baseball VeteranoORANJESTAD, Aruba - 14 di oktober, 2016: E organisacion encarga cu e baseball veteran na Aruba esta Baseball Clasico 40+ ta organisa den e weekend aki e torneo internacional di baseball veterano 14to Uniendo Naciones Serie del Caribe na Aruba cu lo conta cu participacion di ekiponan procedente for di e paisnan di Corsow, Colombia y Aruba. Pa loke ta e participacion di Aruba nos tin cu menciona cu lo tin dos ekipo cu lo defende e colornan di nos bandera. E weganan lo tuma lugar diabierna, diasabra y diadomingo den Stadion Nadi Croes/Crismo Angela na Sta. Cruz y Joe Laveist Ballpark na San Nicolaas.

 

Algun tempo atras e organisacion di Baseball Clasico 40+ a bini cu e tremendo iniciativa di introduci e baseball veterano na Aruba y mesora a haya su respaldo sigur di nos ex-peloteronan di baseball. Actualmente tin varios ekipo militando den e campeon di baseball veterano 40+, mientras e acohida ta uno grandi di tur esnan cu ta sigui esaki di cerca. Awor ya caba nan ta organisando nan prome torneo internacional cu sigur ta un bunita gesto pa e fanaticada por recorda e bon temponan di e baseball local den pasado. Ta ken no ta corda peloteronan grandi cu a milita den entre otro Richmond, Marlboro, Aruba Video Center, Spuiters, Heineken y asina nos por sigui menciona hopi mas.

 

Un danki sigur na Lotto, e Loteria di Aruba pa medio di Comision di Subsidio cu a subsidia e torneo internacional di baseball veterano 40+ na Aruba.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

DMC Firewall is a Joomla Security extension!