ORANJESTAD, Aruba- 20 di september, 2016: Recientemente e federacion di bodybuilding Arubano esta A.B.P.A a tene nan anual evento Mr. Aruba National Body Building and Fitness Championship esaki den e mahestuoso Grand Ballroom di Aruba Marriot Resort and Stellaris Casino. Mester bisa cu den un sala prakticamente yen a Aruba conoce su miho atletanan di bodybuilding y fitness 2016. Nos por a mira cu e evento tabata uno di nivel halto unda cada competidor a prepara su mes debidamente pa e anochi aki y a presenta nan mes den forma unico y profesional. Mester bisa cu cada bes e competencia ta exigi mas di cada participante pa locual ta nan preparacion y sigur prestacion riba entre otro e escenario.

E anja aki e participantenan a competi den e categorianan di Mr. Aruba, Mr. Aruba Beginner, Women’s Physique y Mens Physique, Ms Aruba Body Fitness and Bikini. Mester bisa cu Aruba Bodybuilding & Powerlifting Association na banda di e competencia a organisa tambe dos tayer cual tabata uno riba e tereno di hurado hunto cune experto internacional Rosalinda Perez como tambe e otro di cual topico tabata riba Nutrition y Training esaki cu e experto Jon De la Rosa kende ta un IFBB Profesional Bodybuilder di New Tork.

Pa loke ta e resultado final di e competencia Mr. Aruba, Mr. Aruba Beginner, Women’s Physique y Mens Physique, Ms Aruba Body Fitness and Bikini nos tin den Masters, Luis Araque kende a titula campeon, den “mens physique novice” nos tin como campeon C.J. Qandasan, den Mr. Beginner(short class) nos tin como campeon Corie Suppers, “mens physique beginner” nos ta haya Eclisiaste Junior a bay cu e prome luga, den “ladies physique” nos ta haya como campeon Michelle Portier, den “ladies body figure”nos tin como triunfador Estefania Zapata mientras den “mens physique short class” nos tin Avery Ardila como ganador. Den “mens physique tall class” nos tin Eclisiaste Junior como triunfador. Den ladies bikini nos ta haya e prome lugar pa Andrea Vasquez y den “mens middleweight” nos tin Arnaldo Libert como ganador maximo. Den “mens light heavy weight” nos tin como ganador Corrie Suppers mientras den ‘mens heavyweight” nos tin Luis Araque como e ganador. Mr Aruba overall a keda den persona di Arnaldo Libert kende a bira tambe e ganador absoluto di e competencia, den mens physique a keda como campeon Avery Ardilla. E premio “Best Legs” y “Best Poser” a bay pa Arnaldo Libert.

Un danki sigur na Lotto, e Loteria di Aruba pa medio di Comision di Subsidio cu a contribui cu e Mr. Aruba, Mr. Aruba Beginner, Women’s Physique y Mens Physique, Ms Aruba Body Fitness and Bikini organisa pa Aruba Bodybuilding & Powerlifting Association

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.